بلولی تعلقہ میں شوہر نے بیوی کا قتل کرڈالا

ناندیڑ: ۲۱؍جون (اعتمادنیوز)بلولی تعلقہ کے بابڑی گاؤں میں ایک بے رحم شوہر نے اپنی بیوی پر چاقو سے وار کرکے اُسے قتل کرڈالا ۔ پولس اطلاع کے مطابق بلولی کے بابڑی گاؤں کی رہنے والی شادی شدہ خاتون ناگ منی کو اس کا شوہر شیواجی ماڑگے گزشتہ کچھ دنوں سے ہراساں کررہا تھا ۔ ناگ منی اپنے ماں کے گھر پر آکر رکی ہوئی تھی ۔ ساتھ



میں اس کا شوہر شیواجی ماڑگے بھی آکر ٹہرا تھا ۔ گزشتہ رات شیواجی نے اپنی بیوی ناگ منی سے بحث و تکرا ر کی اور خرچ کے لئے رقم نہ دینے کے معاملے پر تیز دھار چاقو سے اس کے پیٹ پر وار کرکے اسے قتل کرڈالا ۔ ناگ منی کی ماں اور شیواجی کی ساس منگلا بائی لوم کرے کی شکایت پر بلولی پولس اسٹیشن میں شیواجی کے خلاف قتل کا مقدمہ درج کیا گیا ہے ۔